Главная Новости «Павлодар-Түркістан» бағытындағы жолаушылар пойызында қыз бала дүниеге келді

11 сәуір 2024, 15:16 521

«Павлодар-Түркістан» бағытындағы жолаушылар пойызында қыз бала дүниеге келді

Жас ана Зейнеп Әбдікәрімова жүктіліктің соңғы айында анасымен бірге Павлодардан Түркістанға №46 пойызбен жолға шыққан. Жол барысына жолаушының толғағы басталды. Вагонның екі жолсерігі Анар Амандықова мен Назерке Талғарбаева әйелді аман-есен босандырып, қажетті алғашқы медициналық көмек көрсетті. Қыз бала 10 сәуірде сағат 16:30-да дүниеге келді.

Пойыз жолаушылары баланың дүниеге келу сәтіне куә болып, жаңа туған нәрестенің анасы мен әжесіне құттықтау сөздерін білдірді.

Пойыз бригадасы лауазымдық нұсқаулыққа сәйкес жақын маңдағы станцияға жедел жәрдем шақырды. Вагонда босанған әйелге көмек көрсету үшін барлық қажетті жағдайлар жасалған.

Сары-Шаған станциясына келгеннен кейін жас ана мен қыз баланы жедел жәрдем қызметкерлері қабылдады. Жаңа туған нәрестенің есімін Мереке деп атаған.

Айта кетейік, пойыз бригадаларының қызметкерлері алғашқы медициналық көмек көрсету бойынша тұрақты негізде оқиды. Соңғы 3 жылда «Жолаушылар тасымалы» АҚ пойыздарында 13 сәби дүниеге келді.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS